Республиканың мәҙәниәт министрлығы иғлан иткән мәҙәниәт һәм сәнғәт өлкәләрендә президент грантына конкурсҡа документтар ҡабул итеү дауам итә. Иҫегеҙгә төшөрәбеҙ, был конкурс 2009 йылдың 1 ғинуарынан башлап йыл һайын Башҡортостан Республикаһының мәҙәниәтен үҫтереү һәм һаҡлау, музыка, архитектура, театр, хореография, рәсем төшөрөү, архитектура һәм дизайн, кино, музей, клуб һәм китапхана эштәре өлкәһендә мәҙәни ҡиммәттәрҙе тыуҙырыу, һаҡлау, таратыу һәм үҙләштереү өсөн эшләнгән ижади проекттарға дәүләт ярҙамын арттырыу өсөн булдырылған. Ижади проекттар бәйгеһенә эштәрҙе 2012 йылдың 1 февраленә тиклем тапшырырға мөмкин. Һуңғы 3 йылда мәҙәниәт һәм сәнғәт өлкәһендәге 100 мең һумлыҡ президент грантына 75 кеше лайыҡ булған. Шулай уҡ 15 ижади коллектив 300-әр мең һум менән бүләкләнгән.
«Башҡортостандың мәҙәни донъяһы» порталы