25 март мәҙәниәт хеҙмәткәрҙәре көнө айҡанлы Башҡорт дәүләт опера һәм балет театрында ошо өлкәлә эшләүселәрҙе бүләкләү тантанаһы үтте. Унда Хөкүмәт Премьер-министр урынбаҫары Лилиә Ғүмәрова, РФ Дәүләт думаһы депутаты Зөһрә Рәхмәтуллина, БР Мәҙәниәт министры Әминә Шафиҡова ҡатнашты. 

С.Юлаев ордены менән Балалар сәнғәт мәктәбе мөдире М.Ғ.Солтанова (Ишембай р-ны), №2 һанлы Өфө педагогия колледжы уҡытыусыһы Р.А.Заһретдинов, Башҡорт академия драма театры артисы Н.И.Ирсаева бүләкләнде.

«Фиҙаҡәр хеҙмәт өсөн» билдәһе Халыҡтар дуҫлығы йорто директоры В.Х.Аҙнаевҡа, сәнғәт белгесе Г.Р.Пикуноваға бирелде.

Композитор Ю.Х,Үҙәнбаев БР атҡаҙанған сәнғәт эшмәкәре, Ф.М.Бүләков Башҡортостандың халыҡ яҙыусыһы, И.Ш.Ишморатов, В.Г.Бакуллин Башҡортостандың атҡаҙанған артисы, Р.С.Хәбиров Башҡортостандың атҡаҙанған рәссамы, Н.А.Жиленко Башҡортостандың атҡаҙанған мәҙәниәт хеҙмәткәре тигән маҡтаулы исемдәргә лайыҡ булдылар.