Зәйнәб Биишева исемендәге «Китап» нәшриәтендә 2015 йылға мәктәп календары донъя күрҙе. Популяр баҫмала уҡыусылар тормошона ҡағылышлы төрлө ҡыҙыҡлы мәҡәләләр, аң кимәлен үҫтереүсе материалдар, кәңәштәр, төрлө йүнәлешле тестар, башватҡыстар, йомаҡтар тупланған.

Шулай уҡ Башҡортостанда билдәләнәсәк төрлө байрамдарға, тәбиғәт күренештәренә, билдәле шәхестәрҙең тормош юлдарына ҙур иғтибар бүленә. Республиканың талантлы балалары ижад иткән хикәйләр, шиғырҙар ҙа баҫманан ситтә ҡалмаған. Кластан тыш саралар уҙғарыуҙа йыйынтыҡтың уҡытыусыларға файҙаһы ҙур буласаҡ.