Бөгөн Мәскәүҙә асылған Башҡортостан Республикаһы көндәре сиктәрендә Башҡортостан Президенты Рөстәм Хәмитов Рәсәй Ҙур театры генераль директоры Таһир Иҡсанов менән осрашты. Уның һөҙөмтәһендә Башкортостан Республикаһы менән «Рәсәйҙең Дәүләт академия Ҙур театры» федераль дәүләт бюджет учреждениеһы араһында хеҙмәттәшлек итеү тураһындағы килешеүгә ҡул ҡуйылды. Документҡа Рөстәм Хәмитов менән Таһир Иҡсанов ҡултамғаһын ҡуйҙы.

Килешеүгә ҡул ҡуйыу тантанаһы алдынан Таһир Ғәҙелйән улы республика Президенты Рөстәм Хәмитов менән уның хәләл ефете өсөн театр менән танышыу экскурсияһын ойошторҙо, театр музейын күрһәтте, Ҙур театрҙың тарихы, уның реконструкцияһы, бөгөнгө торошо, яңы спектаклдәр тураһында һөйләне.

Сығанаҡ: «Башинформ»