6 сентябрҙән 13 сентябргә тиклем Өфөлә төрки теле театрҙарҙың «Туғанлыҡ» фестивале үтте. Спектаклдәр Мәжит Ғафури исемендәге Башҡорт Дәүләт академия драма, Рус Дәүләт академия, Өфө «Нур» Дәүләт татар, Мостай Кәрим исемендәге Милли йәштәр һәм Башҡорт Дәүләт опера һәм балет театрҙары сәхнәләрендә күрһәтелде. «Туғанлыҡ» фестивалендә төрки телле дәүләттәр һәм Рәсәй төбәктәренән йәмғеһе 15 театр ҡатнашты. Фестиваль сиктәрендә Башҡорот дәүләт опера һәм балет театрында Башҡортстандың халыҡ артисы, ҡурайсы, йырсы Ғата Сөләймәновтың тыуыуына 100 йыл тулыуға бағышланған тантаналы кисә, Милли музейҙа “Мәҙәниәттәр диалогы һәм төрки телле театр” тигән темаға ғилми-ғамәли конференция ойошторолдо. 14 спектаклде тугыз меңнән артык тамашасы караны. 

Һөҙөмтәләр 13 сентябрҙә иғлан ителде. «Иң яҡшы спектакль» тип Стәрлетамаҡ дәүләт башҡорт драма театры артистары башҡарыуында «Мәскәү-Васютки» спектакле танылды. Төп ролде башҡарыусы Филарит Бакиров «Иң яҡшы ир-егеттәр роле» номинацияһында билдәләнде. «Иң яҡшы режиссер эше» номинацияһында «Ай тотолған төндә» пьесаһы буйынса эшләнгән «Затмение» тигән спектакль өсөн Айрат Әбүшахманов бүләкләнде. «Иң яҡшы ҡатын-ҡыҙ роле» номинацияһы Ҡумыҡ театрынан Тоту Асаеваға бирелде.

 «Башҡортостандың мәҙәни донъяһы»