Ошо көндәрҙә Мәжит Ғафуриҙың тыуыуына 132 йыл тулды. Шағирҙың исемен йөрөткән Башҡорт дәүләт академия драма театры алдында шиғри кисә ойошторолдо. Унда шиғриәтте үҙ итеүселәр бөйөк ижадсының әҫәрҙәрен яттан һөйләне, күңел түренән урғылған ҡайнар хис-тойғоларын белдерҙе. Ҡатнашыусылар араһында Мәжит Ғафуриҙың бүләһе Мирсәйет Ғафуриҙың да булыуы сараға оло шатлыҡ өҫтәне.

Шиғриәт кисәһенең тантаналы өлөшөнән һуң бөтәһе лә шағирҙың ҡәберенә юлланды. Һалынған тере сәскәләр Мәжит Ғафуриҙың үлемһеҙ ижадына сикһеҙ һөйөү билдәһе ине.

Халыҡ араһынан сыҡҡан бөйөк шағирҙың исемен мәңгеләштереү маҡсатында төрлө йылдарҙа бихисап эш башҡарылған. Уларҙы һанап бөтөүе лә мөмкин түгел.