«Бәләбәй хәбәрҙәре» гәзите журналистары Марина Цветаеваның тыуыуына 120 йыл тулыу айҡанлы 120 миләштән торған аллея булдырырға тәҡдим иткән. Уларҙың идеяһы Бәләбәй районы хакимиәтендә һәм Бәләбәй урман хужалығында хуплау тапҡан.

Аллея Өсән-Ивановка ауылында ултыртыласаҡ, ҡасандыр билдәле шағирә был ауылда булып киткән. Ағастарҙы сентябрҙә Халыҡ-ара Аксаков байрамы көндәрендә ултыртыу планлаштырыла.

Сығанаҡ: «Башинформ»