Яҙҙың иң матур байрамдарының береһе – 8 март көндө, Өфөнөң Конгресс-холл бинаһында эстрадабыҙҙың «һайлап алынған» 8 иң шәп егете, ҡатын-ҡыҙҙар байрамына арналған концерт программаһы менән сығыш яһаясаҡ. Ҡыҙыҡлы һәм күңелле байрам тамашаһы бик үҙенсәлекле булмаҡсы. 

Концертта ҡатнашалар: Рәсәйҙең атҡаҙанған, БР халыҡ артисы Геннадий Радионов, бик күп конкурстар лауреаты Рафаэль Рәхмәтуллин, БР атҡаҙанған артисы Владимир Капытов, 1 каналдың «Минута славы» проекты финалисы Александр Чистяков, БР атҡаҙанған артисы Вилдан Яруллин, йырсы-композитор Ринат Байымов, бик күп конкурстар еңеүселәре Руслан Сәйфетдинов һәм Вадим Зәкиев. Шулай уҡ тамашаға «Ҡарауанһарай» студияһы һәм Башҡорт дәүләт филармонияһының Олег Ҡасымов етәкселегендәге Эстрада-джаз оркестры саҡырылған. 

Сценарий авторы һәм режиссеры – БР атҡаҙанған сәнғәт эшмәкәре Альмира Сәфәрғолова, алып барыусы – БР халыҡ артисы Ольга Мусина. 

Конгресс-холл да 8 мартта 18 сәғәттә башланасаҡ байрам концертына рәхим итегеҙ! Бик күңелле буласаҡ!