Әхмәтзәки Вәлиди исемендәге Милли китапхана Рәсәйҙә һәм Башҡортостанда иғлан ителгән Мәҙәниәт йылына бағышлап матбуғат хеҙмәткәре араһында «Китапхана. Китап. Уҡыу» тип аталған конкурс ойоштора. Ул йәмғиәтте китап уҡыуға, китапханаларға йәлеп итеү, журналистарҙың актуаль проблемаларҙы күтәреүен маҡсат итеп ҡуя.

Конкурс баҫма һәм электрон матбуғат саралары категорияһында уҙғарыла. Бәйгелә федераль, республика, ҡала, район гәзиттәре, шулай уҡ журнал, телевидение, радио, интернет сайттар журналистары, айырым авторҙар ҡатнаша ала.