БР Мәҙәниәт министрлығынан хәбәр итеүҙәренсә, Рәсәйҙең һәм Башҡортостандың атҡаҙанған рәссамы Айрат Тереғолов Михаил Нестеров исемендәге Башҡорт сәнғәт музейының директоры итеп тәғәйенләнде.

Айрат Рәүеф улы Тереғолов 1957 йылдың 30 октябрендә Өфө ҡалаһында тыуған. 200 яҡын республика, төбәк-ара, Бөтә Рәсәй һәм халыҡ-ара күргәҙмәләр ҡатнашыусыһы һәм лауреаты. Айрат Тереғолов Башҡорт дәүләт педагогия университетын тамамлаған. СССР Рәссамдар союзы, Рәсәйҙең сәнғәт академияһы ағзаһы.