Хәҙер һабантуйҙарҙы федераль телеканалдар аша күрһәтәсәктәр. Шулай уҡ Науруҙ, мосолман, католик һәм православтарҙың дини байрамдары ла киң яҡтыртылырға тейеш. Милләт-ара конфликт менән көрәш программаһына ярашлы, ил етәкселеге ошо турала ҡарар иткән. Уның буйынса, 2012-13 йылдарҙа телевидение эфирында Рәсәйҙә йәшәгән төрлө милләт халыҡтары тураһында яңы тапшырыуҙар төшөрөләсәк.

Ил хөкүмәтендә милләт-ара мөнәсәбәттәр мәсьәләһе буйынса ведомство-ара эшсе төркөм менән вице-премьер Дмитрий Козак рәйеслек итә.