Уны китапхананың мәғлүмәт һәм библиографик белешмә бүлеге хеҙмәткәрҙәре әҙерләп сығарҙы. Баҫмаға театр хаҡында башҡорт, рус һәм татар телдәрендә китаптарҙа һәм матбуғатта донъя күргән мәҡәләләр тупланған. Шулай уҡ сәнғәт усағының тарихын һәм бөгөнгөһөн байҡаған, спектаклдәр, режиссерҙар һәм актерҙар хаҡында ла материалдар бар.

Баҫма мәктәп һәм юғары уҡыу йорто уҡытыусыларына, уҡыусыларына, республика сәнғәте менән ҡыҙыҡһыныусыларға бик файҙалы булмаҡсы.