28 һәм 29 октябрь Мостай Кәрим исемендәге Милли йәштәр театрында “Мең дә бер кис” әкиәте буйынса “Аладдин” спектакленең премьераһы үтә. Режиссеры – Рөстәм Хәкимов, рәссам – Владимир Коголев, музыкаль яҡтан биҙәүсе – Ришат Сәғитов.

Был спектакль режиссер Рөстәм Хәкимовтың музыкаль жанрҙа тәүге эше түгел. Тамашасыны үҙенең матурлығы, серҙәре һәм йомаҡтары менән Көнсығыш тулыһынса үҙенә йәлеп итәсәк.

«Аладдин» спектакле йәш егеттең үҙенең бәхетен эҙләүе хаҡында бәйән итә. Егет кешегә үҙенең һөйгәне Будур менән булыу өсөн бик күп кәртәләрҙе үтергә кәрәк. Ә бәлки тылсымлы һауытта йәшәгән Джинн егеткә ярҙамға килер?

Дуҫтар, әгәр ҙә мажараларға бай булған тамаша ҡарағығыҙ килһә, «Аладдин» һеҙҙең өсөн!