Милли йәштәр театрында «Беҙҙең өйҙөң йәме»
Бөгөн, 24 апрель 19.00 сәғәттә М.Кәрим исемендәге Милли йәштәр театры Мостай Кәрим әҫәре буйынса тамашасы яратып ҡараған «Беҙҙең өйҙөң йәме» спектаклен ҡуя.
Ҡуйыусы режиссеры – Ш.Бабич исемендәге йәштәр премияһы лауреаты, БР-ҙың атҡаҙанған сәнғәт эшмәкәре М.Ҡулбаев;
Ҡуйыусы рәссам – Ю.Ғиләжева;
Композитор – БР-ҙың атҡаҙанған сәнғәт эшмәкәре Р.Сәғитов.
Спектакль Бөйөк Ватан һуғышы йылдарында төпкөл башҡорт ауылында тәрбиәләнгән украин ҡыҙы Оксана хаҡында. Башҡорт ерендә Оксана икенсе ғаиләһен табыуға ирешә: яғымлы әсәй, изге күңелле өләсәй, үҙен өҙөлөп яратҡан ағай, ысын дуҫтар – былар барыһы ла бәләкәй ҡыҙға сит ерҙә ерегергә, башҡорт телендә һөйләшергә өйрәнергә, күңел яралары төҙәлеүенә ҙур ярҙам була. Ағалы-һеңлеле шул тиклем дуҫтар, уларҙы бер туған түгелдәр тип әйтергә тел дә әйләнмәй. Көнө буйы уйнап-көлөп үткәрһәләр ҙә, һуғыш һағышы балаларҙың күңелендә лә тәрән эҙ ҡалдыра...
Ролдәрҙә:
Йәмил – Р.Сәлмәнов;
Оксана – А.Әхмәтова;
Әсәй – А.Кашанова, Р.Бабич;
Өләсәй – Р.Сәлимгәрәева, В.Ҡалмантаева;
Мансур бабай – М.Усманов, Н.Нүрғәлин һәм башҡалар.
