Әхмәтзәки Вәлиди исемендәге Милли китапханала яҙыусы һәм шағир Сәйфи Ҡудаштың тыуыуына 120 йыл тулыу айҡанлы «Бөтә йөрәктән» тип аталған күргәҙмә асылды.

Унда яҙыусы үҙе тере саҡта Мәскәү, Өфө, Ҡазан ҡалаларында 1918-1940 йылдарҙа ғәрәп һәм латин графикаһында донъя күргән китаптарын күрергә була. Шулай уҡ авторҙың үҙ ҡулдары менән яҙған яҙмалар ҙа күргәҙмәгә сығарылған.