Әхмәтзәки Вәлиди исемендәге Милли китапханаһында үҙенсәлекле дәрес уҙҙы. Консультацияны «Һомай» йәмәғәт ойошмаһы ойошторған. Сара сиктәрендә кейеҙҙән әйберҙәр эшләү, балаҫтар туҡыу һәм һуғыу, ҡурсаҡтар тегеү оҫталары был һөнәрҙе өйрәнергә теләүселәргә бушлай оҫталыҡ дәрестәре үткәрҙе.

Туҡыу оҫтаһы Флорида Иманғолова үҙенең эштәрен күрһәтә. Улар араһында төрлө түшәктәр, баш кейемдәре, сумкалар бар. Бөгөнгө бер сәғәтлек дәрестә уҡытыусы сигеүҙең күҙ төшөрөп ҡалдырыу ысулы менән туҡыма биҙәү серҙәренә өйрәтә. Оҫта әйтеүенсә, был эште үҙләштереүе ауыр түгел, бары теләк кенә булһын. Ул үҙе әлеге яратҡан шөғөлөн мәктәп йылдарында уҡ тапҡан.

Яңы һөнәргә өйрәнеү өсөн ҙур сығымдар талап ителмәй. Эшкә махсус энә, еп, туҡыма һәм кирге кәрәк. Ҡалғаны кешенең тырышлығына һәм ваҡытына бәйле.

Ойоштороусылар киләсәктә ошондай оҫталыҡ дәрестәрен даими үткәрергә иҫәп тота. Белгестәр бындай шөғөлдәрҙең кеше өсөн бик файҙалы булыуын билдәләй. Беренсенән, өй шарттарында үҙең өсөн кәрәкле әйбер эшләргә өйрәнһәң, икенсенән, ул - күңел тыныслығы сығанағы.