Зәки Вәлиди исемендәге Милли китапханала үҙенсәлекле күргәҙмә асылды. Бында эскелекте фашлаған мәҡәләләр, китап-журналдар менән танышырға мөмкин.

Кешелеккә ят булған насар ғәҙәттәргә ҡаршы саралар элек-электән үткәрелгән. Экспозициялағы саҡырыуҙарға ҡарап шуны әйтергә мөмкин, ти китапхананың ғилми хеҙмәткәре Ирек Аймантаев. Уның билдәләүенсә, Рәсәйҙе эскегә һабышҡан ил тип һанауҙары хата фекер. Сөнки бөтә халыҡтарҙа ла йәшел йылан менән мауығыу хурлыҡ һаналған. Хәйер, изге башланғыстар ҙа юҡ түгел. Эскелеккә ҡаршы көрәш ил кимәлендә хуплау таба. Төрлө ойошмалар төҙөлә, халыҡ сәләмәт тормошҡа аяҡ баҫа. Күргәҙмәлә тап ошо йүнәлештәр урын алған да инде.