1941 йылдың 22 июне – Рәсәй тарихында ҡанлы хәрефтәр менән яҙылған. Был көндө Бөйөк Ватан һуғышы башлана. Миллиондарса ғүмерҙәрҙе өҙгән был һуғыш әле булһа ла йөрәктәрҙе әрнетеүен дауам итә...

БР Милли музейы был көндө Хәтер көнө үткәрәсәк. «Һуғыш хаҡында хәтирәләр...» кинозалында документаль фильмдар ҡарау мөмкинлеге ҡаралған, шулай уҡ «Башҡортостан Бөйөк Ватан һуғышы йылдарында (1941-1945 й.й.) залы һәм «Фронт рәсемдәре һәм плакаттары» күргәҙмәһе менән яҡындан танышып буласаҡ.