22 апрель, 64 йәшендә, билдәле бейеүсе һәм хореограф, Рәсәйҙең һәм Башҡортостандың атҡаҙанған мәҙәниәт хеҙмәткәре, «Мираҫ» йыр һәм бейеү фольклор ансамбле етәксеһе Валерий Геннадий улы Степанов арабыҙҙан китте.

Валерий Степанов республика бейеү сәнғәте үҫешенә тос өлөш индергән шәхес. Ул етәкселек иткән ансамбль Рәсәйҙә генә түгел, сит илдә лә билдәле. Республика сәнғәте, ысын мәғәнәһендә, оло юғалтыу кисерҙе. Мәрхүмдең яҡындарының оло ҡайғыһын уртаҡлашабыҙ.

Валерий Степанов менән хушлашыу 24 апрель 11.00 сәғәттә Ҡала мәҙәниәт һарайы фойеһында үтә.