БР данлыҡлы «Мираҫ» йыр һәм бейеү фольклор ансамбле 22 октябрҙә Ҡала мәҙәниәт һарайында «Берҙәм ғаиләлә» исемле тамаша менән яңы ижад миҙгелен асырға йыйына.
Концерт, исеменән күренеүенсә, донъя халыҡтарының дуҫлығы, татыулығы, берҙәмлегенә арналған.
Тамаша «Мираҫ» йыр һәм бейеү фольклор ансамбленең директоры Айнур Искәндәров, художество етәксеһе Нәфирә Ихсанова, балетмейстер Әлфиә Тимерғәзиева, хормейстер Эльвира Ғәйфуллина, музыкаль етәксе Сергей Гориченский, «Забава» ансамбле етәксеһе Виктор Ярцевтың тырышлығы менән әҙерләнә.
Ансамблдең репертуарының иң уңышлы, тип табылған һәм өр-яңы номерҙарҙан торған концерт 19.00 сәғәттә башлана, унан ситтә ҡалмағыҙ.