Украина ерендә яҡташыбыҙ, башҡорт халҡының бөйөк улы Миңлеғәле Шайморатовтың исеме мәңгелләштерелде. Бөйөк Ватан һуғышы йылдарында ҡаһарман яугир тап ошо ерҙәрҙе дошман илбаҫарҙарынан азат итеүҙә ҡатнаша һәм батырҙарса һәләк була. Әммә йылдар үтһә лә ерле халыҡ Шайморатовты онотмай. Сарала яу юлдары буйлап сәфәргә сыҡҡан Башҡортостан делегацияһы ла ҡатнаша.

112-се Башҡорт кавалерия дивизияһының яу юлдары буйлап халыҡ-ара автоуҙыш 7-се августа башланды. Сара дивизияның 70 йыллығына арнала. Автоуҙышта ҡатнашыусылар - Һауа-десант ғәскәрҙәре һәм махсус тәғәйенләнештәге отряд ветерандары, ветерандар һәм йәмәғәт ойошмалары вәкилдәре, хәрби-патриотик клубтар курсанттары Һамар - Сызрань - Воронеж - Харьков - Киев - Берлин - Лейпциг - Дрезден - Варшава маршруты буйынса туғыҙ мең километр самаһы юл үтергә планлаштыра.