14,15 март Милли йәштәр театрының башҡорт труппаһы тамашасы хөкөмөнә болгар драматургы Станислав Стратиевтың «Автобус» тип аталған тәрән сатирик, социаль проблемаларҙы яҡтыртҡан спектаклен сығара. Режиссеры – Ҡабардин-Балҡар республикаһының атҡаҙанған сәнғәт эшмәкәре Владимир Султанович Теуважуков.
Пьесаның ҡыҫҡаса йөкмәткеһе түбәндәгесә: иҫке автобуста төрлө яҙмышлы, характерлы, ҡарашлы туғыҙ пассажир үҙ эштәре менән ашыға-ашыға китеп баралар. Һәр кем үҙенең эске донъяһына сумған, ул донъяға хатта яҡын кешеләрен дә индерә алмайҙар. Әммә үҙҙәрен генә уйлаған был пассажирҙарҙың яҙмышы көтөлмәгәнсә боролош ала – автобус водителе быға сәбәпсе, сөнки маршрутты ул билдәләй…
Премьера 14–15 мартта, 19.00 сәғәттә башлана.
Театрҙың рус труппаһы апрель айына премьера әҙерләй. Режиссер – Ш.Бабич исемендәге республика йәштәр премияһы лауреаты, БР-ҙың атҡаҙанған сәнғәт эшмәкәре Мөсәлим Күлбаев. Драматург Диана Балыконың «Ҡара ҡанатлы аҡ фәрештә» пьесаһы буйынса сәхнәләштерелгән. Спектакль көслө мөхәббәт, шул уҡ ваҡытта яңғыҙлыҡ һәм 21 быуат афәте – спид хаҡында.
Премьера 19 апрель 19.00 сәғәттә, 20 апрель 18.00 сәғәттә. Сығанаҡ: М.Кәрим исемендәге Милли йәштәр театры