М.Кәрим исемендәге Милли йәштәр театры «Рәсәй Федерацияһы башҡорттары» 2008–2017 й.й. иҫәпләнгән дәүләт программаһына ярашлы, гастролдәр менән Татарстан Республикаһына сыға.

Ҡазан ҡалаһы тамашасыһы иғтибарына театрҙың рус труппаһы Г.Корнелиссондың «Золушка», В.Ольшанскийҙың «Зимы не будет!» һәм М.Камолетти буйынса «Играем в дружную семью, или Гарнир по-французски» спектаклдәрен тәҡдим итә.

18 апрель Яр Саллы ҡалаһында театр артистары М.Кәримдең «Ҡыҙ урлау» пьесаһы буйынса «Тоҡ эсендәге бесәй» музыкаль комедияһын сәхнәләштерәсәк.