20 март М.Кәрим исемендәге Милли йәштәр театрының башҡорт труппаһының Ханты-Мансийск автоном округында гастролдәре башлана. Ул 2008–2017 й.й. иҫәпләнгән «Рәсәй Федерацияһы башҡорттары» программаһы сиктәрендә үтәсәк. Труппа яҡташтарыбыҙға «Диләфрүзгә дүрт кейәү» музыкаль комедияһын тәҡдим итәсәк. 

Сюжеты бик ябай: Йәмил, Ғәлим, Исмәғил һәм Шәкир исемле ябай ауыл егеттәре Диләфрүз исемле һылыуға ғашиҡтар. Һәр егет ҡыҙҙың күңеленә юл тапҡыһы, үҙенә ғашиҡ иттергеһе килә. Әммә Диләфрүз берәүгә лә хистәрен һиҙҙермәй... Спектакль яҡты юмор, матур йырҙар менән һуғарылған.

Ролдәрҙә: Башҡортостандың атҡаҙанған артистары Илсур Хәбиров, Нәғим Нүрғәлин, Венер Камалов, Гөлшат Ғайсина, Альбина Кашанова, шулай уҡ Илнур Лоҡманов, Радмир Абдуллин.

20 март – Лянтор ҡ.

21 март – Түбәнге Сартым ҡ.

22 март – Сорғот ҡ.

23 март – Нефтеюганск ҡ.

25 март – Нижневартовск ҡ.

26 март – Лангепас ҡ.