Башҡортостан Республикаһында Сыуашстан мәҙәниәте көндәре сиктәрендә М.Нестеров исемендәге Башҡорт дәүләт художество музейында сыуаш сәнғәте оҫталарының «Чаваш-арт» күргәҙмәһе асылды.

Күргәҙмәне асыу тантанаһында Башҡортостан Президенты Рөстәм Хәмитов менән Сыуашстан башлығы Михаил Игнатьев ҡатнашты.

Музейҙың өс залында живопись, графика, скульптура кеүек төрлө техникала башҡарылған Рәсәйҙең халыҡ рәссамдары Р.Федоров, В. Агеев, Н. Карачарсков кеүек һынлы сәнғәт оҫталарының 70-тән ашыу эше ҡуйылған. Шулай уҡ урта һәм йәш быуын рәссамдарының ижады менән танышырға мөмкин.

«Чаваш-арт» күргәҙмәһе июнь аҙағына тиклем эшләй.

 «Башҡортостандың мәҙәни донъяһы» порталы