Башҡорт һәм рус труппалары тамашасыларын быйыл да уңышлы спектаклдәре менән ҡыуандырҙы. Ижади коллективтың репертурына тағы ла алты әҫәр өҫтәлде.

Театр тормош көҙгөһө. Был йәһәттән коллектив: - Йәштәр театрынының үҙ тамашасыһы, үҙ йөҙө һәм ижади ҡеүәте бар, - тип арҙаҡлы шәхес Мостай Кәрим әйтеп ҡалдырған һүҙҙәргә тоғролоҡ һаҡлап емешле ижад итергә тырыша. Республика кимәлендә генә түгел, Рәсәйҙә лә киң танылыу тапҡан мәҙәниәт усағының 22 ижад миҙгеле актерҙар өсөн дә үҙенсәлекле һәм иҫтәлекле булған.

Кисәгә Мәскәүҙең «Ленком» театры режиссеры Илдар Ғиләжев та килгәйне. Быйыл яҡташыбыҙ башҡорт труппаһы менән Мостай Кәримдең «Ҡыҙ урлау» мотивы буйынса «Тоҡ эсендә бесәй», («Башкирская пленница») спектаклен сәхнәләштергәйне. Театр һөйөүселәр тарафынан юғары баһаланған музыкаль спектакль аншлаг менән үтте. Коллектив тиҙҙән уның менән Төркиәгә гастролгә юлланасаҡ.

Йәш быуынды матурлыҡ, изгелек донъяһына әйҙәүсе коллектив романтик йүнәлештән тайпылмай. Шуға ла репертуарҙа заман проблемаларын яҡтыртҡан бай йөкмәткеле, мауыҡтырғыс пьессалар ҙур урын биләй. Киләсәктә лә шулай буласаҡ, ти театр актерҙары.

Сығанаҡ: Башҡортостан юлдаш телевидениеһы