Театр артистары уҡыуында Константин Симонов, Александр Твардовский, Роберт Рождественский, Давид Самойлов, Булат Окуджава, Мостай Кәрим, Назар Нәжми, Муса Йәлил кеүек шағирҙарҙың шиғырҙары, шулай уҡ һуғыштың бар ғазаптарын татыған һалдаттарҙың фронт хаттары, хәтирәләре яңғыраясаҡ.

Әйткәндәй, «Барыһында исемләп иҫләйек» проекты республика Башлығының мәҙәниәт өлкәһенә бирелгән Гранты ярҙамында бойомға ашырыла. Уның авторы – режиссер, БР-ҙың атҡаҙанған сәнғәт эшмәкәре, Ш.Бабич исемендәге Йәштәр премияһы лауреаты М.Ҡулбаев, рәссамы – Юлия Ғиләжева, музыкаль яҡтан биҙәүсеһе – Ришат Сәғитов.

Театр фойеһында балаларҙың Бөйөк Ватан һуғышына арнап төшөргән һүрәттәренән торған күргәҙмә лә эшләйәсәк.