Төрки халыҡтар өсөн тотош бер шиғриәт мәктәбе тыуҙырған Ғабдулла Туҡайҙың былтыр 26 апрелдә тыуыуына 125 йыл тулыу киң билдәләнгәйне. Быйыл бөйөк шағирҙың тыуған көнө алдынан Әхмәтзәки Вәлиди исемендәге Милли китапханала шиғыр байрамы уҙғарылды. 1912 йылдың яҙында шағир йәшәгән йорт янында митинг үткәрелде, ундағы мемориаль таҡтаташҡа сәскәләр һалынды.

Быйыл иһә бөйөк шағирҙың Өфөгә килеүенә — 100 йыл. Ул тап бынан бер быуат элек апрель-май айҙарында ике тапҡыр баш ҡалабыҙҙа булған. Элек Свердлов урамында урынлашҡан «Сабах» китапханаһы артындағы бүлмәлә йәшәгән. Мәжит Ғафури менән урамдарҙа йөрөп, баҡсаларҙы ҡарап ҡайтҡандан һуң шунда икәүҙән-икәү һөйләшеп ултырғандар.

Башҡортостан Яҙыусылар союзы бына ошо ваҡиға айҡанлы бөгөн, 25 майҙа Мостай Кәрим исемендәге Милли йәштәр театрында Татарстандан киләсәк оло ҡунаҡтар ҡатнашлығында йырлы-моңло әҙәби кисә үткәрә. 

«Башҡортостандың мәҙәни донъяһы» порталы