Барлыҡ республикала был аҙнала халыҡ шағиры, башҡорт әҙәбиәте аҡһаҡалы Мостай Кәримдең тыуыуына 95 йыл тулыу айҡанлы ҙур әҙәби байрамдар үтә. Башҡортостандың төп нәшриәте булған Зәйнәб Биишева исемендәге «Китап» нәшриәте лә был саранан ситтә ҡалманы: ошо көндәрҙә унда Мостай Кәримдең әҫәрҙәрен туплаған бишенсе йыйынтыҡ донъя күрҙе. Унда яҙыусының иң билдәле әҫәрҙәре «Оҙон-оҙаҡ баласаҡ», «Ярлыҡау», «Ауыл адвокаттары» повестары кергән.

Китапты нәшриәттең кибеттәрендә һатып алырға була.