Киләһе йылдың көҙөндә Өфөнөң Киров урамында мәшһүр әҙип, Башҡортостандың халыҡ шағиры Мостай Кәримгә һәйкәл ҡуйыласаҡ. 

Мостафа Сафа улының образын мәңгеләштереү бәхете Мәскәү скульпторы Андрей Ковальчукка тейҙе. Башҡортостандың Мәҙәниәт министрлығы үткәргән конкурста тап ул еңеп сыҡты. 

Мостай Кәримдең һыны бронзанан яһаласаҡ. Уның артында ҡулъяҙмалары композицияһы һүрәтләнәсәк. Ижад итеүселәрҙең фаразлауынса, был ҡулъяҙмалар ҡош ҡанаттарын хәтерләтергә тейеш.