Халыҡ-ара «Музей төнө–2013» акцияһы сиктәрендә Өфө музейҙары 27 меңдән ашыу кешене ҡабул иткән.

Башҡортостан Республикаһы Милли музейының уникаль экспонаттарын ҡарарға 9600 кеше, ә Республика хәрби дан музейына 5700, Милли әҙәбиәт музейына 3115 кеше килгән. Шуныһы ҡыуаныслы, акцияла ҡатнашыусыларҙың 70 проценты 18 йәшкә тиклемге йәштәр.

Ойоштороусылар әйтеүенсә, быйылғы «төн»дә акцияла ҡатнашыусыларҙың һаны бермә-бер артҡан, былтыр бөтә республика буйынса 30 мең кеше иҫәпләнгән.

Иҫегеҙгә төшөрәбеҙ, «Музей төнө» 18 май төнөнән 19 майға ҡараған көндә үтте. Акцияла ҡаланың 38 музей һәм һынлы сәнғәт галерея ойошмалары ҡатнашты.