20 февраль Мәләүез ҡалаһында БР атҡаҙанған мәҙәниәт хеҙмәткәре Фаиль Абдраков иҫтәлегенә арналған һәүәҫкәр композиторҙарҙың төбәк конкурсы үтте. Сараны БР Мәҙәниәт министрлығы, «Дуҫлыҡ» республика мәҙәни-методик үҙәк, Мәләүез районы хакимиәтенең мәҙәниәт бүлеге ойошторҙо. Ейәнсура, Ишембай, Көйөргәҙе, Ҡырмыҫҡалы, Мәләүез, Стәрлебаш, Стәрлетамаҡ райондары һәм Ишембай, Күмертау, Мәләүез, Салауат ҡалалары композиторҙары ҡатнашты.
Һәүәҫкәр композиторҙар төрлө характерҙағы 2 йыр тәҡдим итергә һәм уны автор үҙе йә икенсе кеше башҡарырға тейеш ине.
Жюри рәйесе РФ һәм РБ атҡаҙанған сәнғәт эшмәкәре –С.Низаметдинов.

Конкурс һөҙөмтәләре:

Гран-при – Светлана Юдина (Федоровка р-ны)
I урын – Илнур Туйгилдин (Көйөргәҙе р-ны)
II урын – Эльмира Мезинова (Мәләүез ҡ.), Сәсәнбаев Сәйҙәш (Стәрлетамаҡ р-ны)
III урын – Яманһыев Фәнил (Мәләүез ҡ.), Юлдашбаев Рәжәп (Ейәнсура р-ны)

Махсус дипломдар:

Иң яҡшы аранжировка – Бикбаева Лиана (Ишембай ҡ.)
Иң яҡшы йыр – Яҡшығолов Фәрит (Ҡырмыҫҡалы р-ны)
«Өмөт» – Нәзирә Ишҡолова (Мәләүез р-ны)
«Милли йыр традицияларын һаҡлаған өсөн» – Вернер Семенов (Күмертау ҡ.)
С.А.Низаметдинов конкурс сиктәрендә мастер-класс үткәрҙе, һәр бер ҡатнашыусыға кәңәштәр әйтелде. Жюри вәкилдәре тәҡдим ителгән фонограммаларҙың һәм аранжировкаларҙың сифаты артыуын билдәләп китте.
Конкурс Фәриҙә Ғаззалова, Әлим Ҡәйүмов, Рафаэль Рәхмәтуллин ҡатнашлығында гала-концерт менән тамамланды. Сығанаҡ: Мәҙәниәт министрлығының мәғлүмәт хеҙмәте