16 ноябрҙә илебеҙҙең баш ҡалаһында Мәскәү башҡорттары араһында йолаға әүерелгән "Мәскәү һылыуҡайы" гүзәллек бәйгеһенең һайлап алыу туры үтте. Береһенән береһе һылыу, сая, гузәл, откор, һомғол буйлы 13 ҡыҙ йыйылған ине. Конкурстың ойоштороусылары буйға, тышҡы матурлыҡҡа ғына түгел, ә ҡыҙҙарҙың эске тормошона, үҙҙәрен тота белеүенә, һәләттәренә ҡарап һәр береһенә үҙ баһаһын бирҙе. Жюри ағзалары: билдәле дизайнер Миләш Тувалева, хореограф Гөлсимә Батыршина, БСТ телеканалының режиссеры Гөлназ Ғәлимуллина, "Мәскәү һылыуҡайы-2013" бәйгеһендә 1 урын яулаусы Гүзәлиә Мырҙағәлина һәм бәйгенең режиссеры Гөлнара Ибраҡова.

Шулай итеп, "Мәскәү һылыуҡайы - 2014" бәйгеһенең финалына 8 ҡыҙ үтте!

Улар:

Килдейәрова Әлфиә

Ҡаһарманова Айназа

Ниғәмәтова Альбина

Асанова Айгүзәл

Салауатова Регина

Йыһанурова Зилә

Моратова Гөлназ

Рахматуллина Лилиә

Ҡыҙҙарҙың һәр береһенә уңыштар теләйбеҙ һәм еңеүсене Өфөлә үтәсәк "Һылыуҡай"ҙа көтөп ҡалабыҙ!