Унда 50-гә яҡын сәнғәт әҫәрен күрергә мөмкин.

Эштәрҙең барыһы ла тыуған төйәккә, уның халҡына һөйөү менән һуғарылған. Ошо эштәрҙең күбеһе Мәскәүҙә, Америкала, башҡа ҡалаларҙа күрһәтелде, әммә минең өсөн яҡташтарымдың фекере бик мөһим, тине үҙ сығышында Милә Ғатауллина. 

Белешмә: рәссам Өфөлә тыуып үҫкән, 2-се балалар художество мәктәбендә белем алған. 1998 йылда Мәскәү дәүләт художестволы сәнғәт академияһын тамамлай. Шул ваҡыттан алып Рәсәйҙә һәм сит илдәрҙә 100-ҙән ашыу күргәҙмәлә ҡатнаша. Уның картиналары Мәскәүҙең Заманса сәнғәт музейында, Нестеров исемендәге Башҡорт дәүләт художество музейында һаҡлана.