1 август, Өфөлә, бөйөк әҙиптең тыуған көнө айҡанлы поэтик флешмоб үтәсәк. Мәжит Ғафуриҙың ижадын һәм шәхесен хөрмәт итеүселәрҙе уның исемен йөрөткән Башҡорт дәүләт академия драма театрында көтөп ҡалалар. Әйтергә кәрәк, бындай акция 10-сы тапҡыр уҙғарыла.

- Бөйөк ижадсыны бергәләп иҫкә аласаҡбыҙ. Барлыҡ теләүселәр әҙиптең шиғырҙарын яттан һөйләй аласаҡ, - ти сараны ойоштороусы Люциә Камаева.

Флешмоб 16.00 сәғәттә башлана. Рәхим итегеҙ!