Сентябрь айында Урал аръяғында район һәм ҡала хакимиәттәре башлыҡтары ҡатнашлығында мәҙәниәт хеҙмәткәрҙәренең Республика кәңәшмәһе үтәсәк. Бындай кәңәшмә тәүге тапҡыр 2014 йылда Салауат районында ойошторолғайны.

Быйылғы йылда кәңәшмә Сибай ҡалаһында һәм Баймаҡ районында үҙасаҡ. Йыйылыштың төп темаһы «Халыҡ ижадын йәмғиәттә милләт-ара татыулыҡ һәм патриотизм тәрбиәләү шарттарының береһе булараҡ уны үҫтереү һәм һаҡлап ҡалыу».

Кәңәшмә сиктәрендә Сибай ҡалаһында төҙөлөштән һуң ҡабаттан Балалар сәнғәт мәктәбе үҙ ишектәрен асасаҡ, Баймаҡ районында «Башҡорт аты» фестивале үтәсәк, Темәс ауылында күп функциялы мәҙәни үҙәк асыласаҡ һәм «Ирәндек» музей-ҡурсаулығына экскурсия ойоштороласаҡ.