2012 йылдың 24 октябренән 2 ноябренә тиклем музыкант-башҡарыусыларҙың Нариман Сабитов исемендәге VIII Асыҡ конкурсы уҙасаҡ. Әле конкурста ҡатнашыу өсөн заявкалар ҡабул итеү башланды. 

Музыканттар конкурсы 1995 йылда Өфө дәүләт сәнғәт институты доценты, Башҡортостандың атҡаҙанған артисткаһы Светлана Хәмиҙуллининың тырышлығы менән ойошторола. Тәүге конкурста бары тик пианинола уйнаусылар ғына ҡатнашһа, 1996 йылда скрипкасыларға ла үҙ көстәрен һынап ҡарарға мөмкинлек бирелә. Бер нисә йылдан финалистар мотлаҡ симфоник оркестр оҙатыуында сығыш яһарға тейеш була. Бөгөнгө көндә конкурста өс йүнәлеш: фортепиано, скрипка һәм вокал буйынса еңеүселәр билдәләнә. 

Нариман Сабитов исемендәге бәйгелә 15 йәштән 30 йәшкә тиклем музыканттар һәм 18 йәштән алып 35 йәшкә тиклемге вокалистар ҡатнаша ала. 

Сығанаҡ: «Ашҡаҙар»

«Башҡортостандың мәҙәни донъяһы» порталы