Республиканың һуҡырҙар өсөн махсус китапханаһы республикала иғлан ителгән Имен бала саҡ һәм ғаилә ҡиммәттәрен нығытыу йылы уңайынан «Башҡортостан бармаҡ остарында» тигән цикл өҫтөндә эш башланы. Серияла 4 китап. Әлегә тыуған яҡты өйрәнеү буйынса «Урал ынйыһы» һәм билдәле шәхестәр тураһында «Тарихта ҡалған эҙҙәр» исемле китаптар баҫылып сыҡҡан. Тиҙҙән «Иҡтисади панорама» һәм «Илһам шишмәләре» тип аталғандары ла донъя күрәсәк.

«Башҡортостандың мәҙәни донъяһы» порталы