24 март 14.00 сәғәттә «Нефтселәр» мәҙәниәт һарайында «Науруз» республика яҙ байрамы үтә. Сараны БР Мәҙәниәт министрлығы һәм Халыҡтар дуҫлығы йорто ойоштора. Программала байрам концерты, Көнсығыш һәм Кавказ халыҡтарының аш-һыуы, милли костюмдары, өй кәрәк-яраҡтары күргәҙмәһе ҡаралған.

13 март «Нефтселәр» мәҙәниәт һарайында был байрамға әҙерлек буйынса кәңәшмә үтте. Унда БР Мәҙәниәт министрының беренсе урынбаҫары В.В.Латыпова, Халыҡтар дуҫлығы йорто В.Х.Аҙнаев, милли-мәҙәни үҙәктәрҙең вәкилдәре ҡатнашты. Сценарий, байрамды мәғлүмәти яҡтан яҡтыртыу хаҡында һөйләшелде. «Науруз» байрамының режиссеры Ғ.С.Иштуғанова.

Сығанаҡ: Халыҡтар дуҫлығы йорто