Стәрлетамаҡ дәүләт филармонияһы артистары 24 март Мәскүҙең «Россия» концерт залында үтәсәк «Науруз–2013» байрамында ҡатнашасаҡ, шулай уҡ Рәсәйҙең башҡа төбәктәренән, элекке союздаш републикаларҙан ижади коллективтар сығыш яһаясаҡ. Байрам сит илдәрҙең Рәсәйҙәге вәкилликтәре, региондарҙың Мәскәүҙәге вәкиллектәре, милли йәмәғәт ойошмалары, төбәк-ара хеҙмәттәшлек итеү департаменты ҡатнашлығында үтә. Сара сиктәрендә халыҡ ижадын сағылдырған күргәҙмә эшләйәсәк, ҡунаҡтарҙы милли аҙыҡтар менән һыйлаясаҡтар.

Науруз – ҡояш календары буйынса, яҙғы көн менән төн тигеҙлегенә тура килгән Яңы йыл байрамы. Тәбиғәттең, тормоштоң яңырыуын аңлатҡан был байрам матур үтмәксе!

Башинформ мәғлүмәт агентлығы материалынан әҙерләнде