17 апрелдә, Башҡортостан Республикаһының Милли музейында рәссам-модельер Роза Юлдашбаеваның юбилейына арналған «Нағыш» тип исемләнгән шәхси күргәҙмәһе асылды. Роза Юлдашбаева 40 йылдан ашыу Өфө ҡалаһының «Салауат» ательеһында эшләй.

Экспозицияла оҫтаның 70-тән артыҡ эшен күрергә мөмкин. Роза Рафиҡ ҡыҙының үҙ ҡулдары менән эшләгән ирҙәр һәм ҡатын-ҡыҙҙар өсөн баш кейемдәре, милли костюмдар, сигелгән таҫтамалдар, күндән эшләнгән төрлө һауыттар, биҙәнеү әйберҙәре башҡорт орнаменты ҡушып эшләнгән балаҫ, кейеҙҙәр һ.б. урын алған. 

Күргәҙмәне асыу тантанаһында музей директоры Вәлиуллин Ғәли Фәйзрахман улы, «Салауат» ательеһы директоры Зубова Светлана Ивановна һәм музей хеҙмәткәрҙәре, оҫтаның ижадын һөйөүселәр, дуҫтары, мәктәп уҡыуслары ҡатнашты. 

Автор: Гөлназ Ишемғужина