Нефтекама дәүләт филармонияһының “Ҡәрҙәштәр” коллективы мәҙәниәт усағының киң билдәле, әүҙем эшләгән, тамашсыларына һәр ваҡыт дәрт осҡоно бүләк иткән коллективтарҙың береһе. Бөгөнгө көндә уны йәш һәм танатлы солист Раян Алтыншин етәкләй. Нефтекама дәүләт филармонияһының “Ҡәрҙәштәр” коллективы Ҡурған өлкәһенә ижад сәфәре менән юлланды. Коллектив әҙерләгән тамашаны Сафакүл, Әлмән, Шаҙры райондары тамашсылары ҡарай ала. Улар Ҡурғандың үҙендә лә туҡталырға ниәтләй. Гастролдәр БР Силәбе өлкәһендәге вәкиллеге ярҙамы менән үтә һәм 22 октябргә тиклем дауам итәсәк.