28 мартта, Өфөнөң «Нефтсе» мәҙәниәт һарайында Рәшит Шәкүрҙең юбилей кисәһе үтте. Ижади кисә БР Мәҙәниәт министрлығы, БР Яҙыусылар союзы, Бөтә донъя башҡорттары ҡоролтайы, М.Аҡмулла исемендәге Башҡорт дәүләт педагогия университеты ярҙамында ойошторолған. 

Быйыл билдәле шағир, ғалим, йәмәғәт эшмәкәре Рәшит Закир улы Шәкүровҡа 75 йәш тулды. Рәшит Шәкүр – филология фәндәре докторы, профессор, БАССР-ҙың атҡаҙанған мәҙәниәт эшмәкәре, Башҡортостандың атҡаҙанған фән эшмәкәре. 

Кисәлә  БР мәҙәниәт министры урынбаҫары Алтынбаев Рәнис Рәйес улы, БР мәғариф министры Ә. С. Ғаязов, Өфө хакимиәте башлығы урынбаҫары Сынтимер Баязитов, шағирҙың яҡындары, дуҫ-иштәре, ҡәләмдәштәре, билдәле яҙыусылар һәм шағирҙар, уҡыусылар ҡатнашты. 

Тамашала шәхестең шиғырҙарына һалынған йырҙар, шиғырҙары яңғыраны.