19 апрель 19.00 сәғәттә «Нур» Өфө дәүләт татар театрында театр артистары ҡатнашлығында «Нурлы сәфәр» тип аталған театрлаштырылған тамаша үтә.Тамашала яңғыраясаҡ барлыҡ музыкаль әҫәрҙәр билгеле бер сюжетҡа ҡоролған. Кешенең тыуған көнөнән алып аҡһаҡал дәрәжәһенә еткәнсе ғүмер юлы һүрәтләнә. Беренсе бүлектә бай, сағыу рәүештә татар мәҙәниәте, фольклоры сағылһа, икенсе бүлектә иһә тамашасы төп герой менән хажға сығасаҡ. Был сәфәрҙә төрлө мосолман халыҡтарында ҡунаҡта булып, уларҙың йыр һәм бейеү сәнғәте менән танышасаҡ. Башҡорт, ҡаҙаҡ, үзбәк, чечен, ҡумыҡ телдәрендә театр артистары башҡарыуында матур йырҙар яңғыраясаҡ.

Тамаша режиссеры Гүзәл Аҡбирҙина.