«Нур» премьера менән ҡыуандырмаҡсы
26 һәм 27 апрель «Нур» Өфө дәүләт татар театрында премьера көтөлә. Режиссер Зиннур Сөләймәнов Наум Брод пьесаһы буйынса «Бөттө-китте... Вәссәләм» лирик комедияһын сәхнәләштерә. Спектаклдә ир менән ҡатын мөнәсәбәттәре хаҡында һүҙ барасаҡ. Рәссам Эльвира Әсәҙуллина, композитор Ришат Сәғитов, хоеограф Наилә Фаткуллина әле ҡыҙыу эш осоро кисерәләр. Ролдәрҙә билдәле актерҙар Альберт Шәрәфетдинов һәм Ирина Ғәниева.
Лирик комедия тормош ығы-зығыһынан ялҡҡан яңғыҙ ҡатын хаҡында: ҡасандыр яратҡан эш ҡәнәғәтлек килтермәй, һөйөп ҡауышҡан йәр икенсегә киткән, улы әрме сафына йыйына, һөйәрҙең элеккесә дәрте юҡ... Ә бәлки икенсе ир-егет ярҙамға килер?