Бала изгелек һәм яуызлыҡ, мөхәббәт һәм нәфрәт, дуҫлыҡ һәм хыянат тураһындағы тәүге дәрестәрҙе тап мөғжизәле әкиәттәр аша ала. Әкиәт - баланың фантазияһын үҫтерә, фекерләү ҡеүәһен арттыра, уйларға өйрәтә. Ә әкиәттең әһәмиәте шәхесте үҫтереүҙә һәм формалашыуҙа баһалап бөткөһөҙ ҙур. Ул баланы изгелеккә, ғәҙеллеккә, яуаплылыҡҡа өйрәтә, туған теленә һөйөү тәрбиәләй. Тап ошоларҙы иҫәпкә алып театр артистары "Винни-Пух" әкиәтен сәхнәләштергән дә инде.

Ижад миҙгелен асыу тантанаһы 27 сентябргә билдәләнгән. Спектаклдең ҡуйыусы режиссеры – Эдуард Шахов.

Әкиәттә театрҙың йәш актерҙары: Руслан Хисаметдинов, Айнур Баянов, Риф Ғөбәйҙуллин, Фәнил Ғайзетдинов, Резеда Хәсәнова, Айгөл Хәйруллина уйнаясаҡ.