«Нур» «Театр яҙына» әҙерләнә
«Театр яҙы» республика фестиваленә «Нур» Өфө дәүләт татар театры Ш.Камалдың «Хажи әфәнде өйләнә» комедияһын сәхнәләштерәсәк.
Уртаҡул алыпһатар Йонос-хажи йәш кенә ҡыҙға өйләнергә уйлай. Уны бер нәмә лә ҡурҡытмай: үҙенең оло йәштә булыуы ла, йәш кәләшкә ҡалымдың күп булыуы ла. Әммә хәйләкәр сауҙагәр үҙе ҡорған тоҙаҡҡа эләгә.
Режиссеры – БР-ҙың атҡаҙанған артисы Илдар Вәлиев.
Композитор – Ш.Бабич исемендәге йәштәр премияһы лауреаты Урал Иҙелбаев.
Рәссам – Азамат Ғиләжев.
Бейеү ҡуйыусы – ТР-ҙың атҡаҙанған сәнғәт эшмәкәре Сәлимә Әминева.
Костюмдар буйынса рәссам – БР-ҙың атҡаҙанған мәҙәниәт хеҙмәткәре Наталья Степанова.
Ролдәрҙә: Илдар Вәлиев, Сәүиә Сираева, Резеда Зарипова, Лияна Хәйретдинова, Айһылыу Ғүмәрова һәм башҡалар.
Спектакль 7 апрель 16.00 сәғәттә башлана.