22, 23 февраль Өфө дәүләт «Нур» татар театрында быйылғы йылда тәүге премьера – «Ауыл мәҙәктәре» («Деревенские байки») ҡуйыласаҡ.
Режиссёр Ольга Смирнова спектаклде Владимир Любаровтың ижад өлгөләренә таянып әҙерләй. Бындай үҙенсәлекле спектакль театрҙа тәүге тапҡыр ҡуйыла. Сәхнә биҙәүсе Наиль Байбурин, костюмдар рәссамы Наталья Степанова, хореограф Яна Головченко әле ҡыҙыу эш осоро кисерәләр. Ролдәрҙе РБ һәм РТ халыҡ артисткаһы Резеда Фәхруллина, РБ халыҡ артисткаһы Рәсимә Ғәйфуллина, БР атҡаҙанған артистары Марат Исхаҡов, Финә Вәлиева, Зөһрә Шәрәфетдинова һәм Айрат Фәтихов, Айнур Баянов, Риф Ғөбәйҙуллин, Рида Фәхрисламова, Айгөл Хәйруллина, Эдуард Шахов башҡарасаҡ. Автор: Гөлфиә Уразбахтина
«Башҡортостандың мәҙәни донъяһы» порталы