6 сентябрь 10.00 сәғәттән 13.00 сәғәткә тиклем Серго Орджоникидзе исемендәге майҙанда «Сәскәләр көнө» үтә.

Байрам сараһында төрлө мастер-кластар үтәсәк, сәскәләрҙән төҙөлгән үҙенсәлекле композициялар буласаҡ, сәскәлектәрҙе, сәскә һауыттарын матур итеп биҙәү серҙәренә төшөндөрәсәктәр, ҡул эштәренән торған күргәҙмәләр эшләйәсәк.

Шулай уҡ тынлы оркестр, вокал ансамблдәре һәм халыҡ коллективтары ҡатнашлығында концерт номерҙары ҡаралған.

«Баллы йәрминкә» майҙанында ауыл хужалығы эшсәндәре етештергән сифатлы тауарҙар алып буласаҡ. Рәхим итегеҙ!