20-24 октябрь, баш ҡалала, Өфө дәүләт иҡтисад һәм сервис институты базаһында «Аҡбуҙат» I Бөтә Рәсәй ҡыҫҡаметражлы студент киноһы кинофестивале уҙасаҡ. Унда Рәсәйҙең унлаған төбәгенән йөҙгә яҡын мәктәп уҡыусылары, урта һәм юғары уҡыу йорттары студенттары, йәш белгестәр ҡатнаша. Сәнғәт эшмәкәрҙәре ҡатнашлығында «Актер оҫталығы», «Режиссура», «Оператор оҫталығы», «Монтаж», «Сценарий төҙөү эше» кеүек йүнәлештәр буйынса мастер-кластар уҙғарыласаҡ.